Umferðaröryggi barna í Reykjanesbæ 2009-2010
- Gáfum endurskinsvesti öllum börnum í 1. og 2.bekk. Febrúar 2010.
- Gerðum könnun hjá starfsmönnum skóla. Desember 2009.
- Sendum erindi til fræðsluráðs og umhverfis- og skipulagsráðs. Janúar 2010.
Blóm handa nemendum í 10.bekk mars 2010
Nemendur í 10.bekk þáðu blóm frá foreldrafélögunum. Sú hefð hefur skapast að foreldrar, nemendur og kennarar eiga hátíðlega stund í sínum heimaskóla fyrir sameiginlega árshátíð. 9.mars var árshátíð unglingadeildanna haldin í Stapa. Foreldrafélögin gáfu drengjunum barmblóm og stúlkunum armblóm.
Fyrirlestraröð FFGÍR 2010. Fyrirlestur nr.2
Fyrirlestur nr.2 í fyrirlestraröð FFGÍR ber yfirskriftina Aðstoð foreldra við nám barna sinna. Sigríður Bílddal, námsráðgjafi gaf foreldrum góð ráð til að aðstoða börn sín við námið. Sigríður hefur mikla reynslu og hefur hjálpað mörgum að skipuleggja nám sitt betur. Foreldrar voru mjög ánægðir með það sem hún hafði fram að færa. Fyrirlesturinn var haldin í Holtaskóla 23.febrúar.
Fyrirlestraröð FFGÍR 2010. Fyrirlestur nr.1
Fyrirlestraröð FFGÍR hófst 12.janúar þegar Marta Eiríksdóttir, gleðiþjálfi sló í gegn með áhugaverðum fyrirlestri í Akurskóla. Yfirskrift fyrirlestrarins var Skapa ánægðir foreldrar ánægð börn? Marta fór vítt og breitt í erindi sínum um mikilvægi þess að velja það að vera hamingjusamur og ýta frá sér neikvæðu áreiti. Marta talaði af mikilli einlægni um samskipti barna og fullorðna.
Starfsdagur FFGÍR 2009
Fulltrúar foreldrafélaganna í grunnskólum Reykjanesbæjar hittust á samráðsfundi FFGÍR 13.október. Á fundinn mættu 12 fulltrúar ásamt verkefnastjóra FFGÍR.
Fundurinn ákvað að sameinast um stærri verkefni og fyrirlesara í nafni FFGÍR. Með því móti dreifist kostnaður og þá yrði hægt að vera með fjölbreyttari erindi og fundi.
Stefnan er tekin á fyrirlestraröð á skólaárinu 2009-2010. Fyrirlestrarnir verða fjölbreyttir og sniðnir fyrir alla foreldra grunnskólabarna í Reykjanesbæ.
Niðurstöður fundarins voru: Foreldrar vilja ávallt standa vörð um umferðaröryggi skólabarna, gott upplýsingastreymi og að skólastefna Reykjanesbæjar sé raunveruleg, sönn og sýnileg.
Námskeið fyrir bekkjarfulltrúa 2009
Fræðsla fyrir bekkjarfulltrúa í grunnskólum var fimmtudaginn 8.október í Akurskóla.
FFGÍR bauð öllum bekkjarfulltrúum í Reykjanesbæ til fundar þar sem Helga Margrét Guðmundsdóttir frá Heimili og skóla – landssamtökum foreldra, var með fræðsluerindi. Um 30 bekkjarfulltrúar frá öllum grunnskólunum í Reykjanesbæ. Fólk var sammála um að Helga Margrét hafi komið með góðar ábendingar og gaf fólki nýja sín á hlutverk bekkjarfulltrúa.
Athvarf á Ljósanótt 2009
Fjölskyldu- og félagsþjónusta, Útideild, Foreldrafélög grunnskólanna í Reykjanesbæ og Lögreglan á Suðurnesjum voru með sameiginlegt athvarf á föstudags- og laugardagskvöld Ljósanæturhelgina 3.-5. september 2009.
Að hátíðarhöldum loknum voru ungmenni sem voru ein á ferli eða undir áhrifum áfengis færð í athvarfið að Hafnargötu 8. Þar tóku á móti þeim starfsmenn barnaverndar og aðrir starfsmenn sem stóðu vakt í athvarfinu.
Málþing Börn í Reykjanesbæ og velferð þeirra! 2009
Málþing FFGÍR 2009 var haldið í Virkjun á Ásbrú 14.mars 2009. Kreppan var tiltölulega ný skollin á og niðurskurður og atvinnuleysi í bænum okkar. Við höfðum áhyggjur af velferð barnanna og efndum til málþings.
Við buðum bæjarfulltrúum að vera með okkur og svara ýmsum spurningum. Árelía Eydís, Gylfi Jón og Kristjana Gunnlaugsdóttir vorum með erindi. Barnapössun var á staðnum og í hádeginu var boðið upp á súpu og brauð og nemendur úr Tónlistarskóla Reykjanesbæjar spiluðu fyrir gesti. Ýmis íþrótta- og félagasamtök kynntu starfsemi sína.
Starfsdagur FFGÍR 2007
Starfsdagur FFGÍR 2006
Viðhorfskönnun FFGÍR 2006
Foreldraráð FFGÍR stóðu fyrir stuttri viðhorfskönnun meðal foreldra grunnskólabarna í samstarfi við skólana. Könnunin fór fram dagana 23.janúar til 27.febrúar 2006, á foreldradögum skólanna, og voru svör samtals 990. Var könnunin fyllt út skriflega eða rafrænt, eftir því sem skólar vildu sjálfir, en þeim stóð hvort tveggja til boða. Var notað forritið Outcome, sem Reykjanesbær hefur aðgang að, til að vinna úr niðurstöðum.
Spurt var um viðhorf til núverandi fyrirkomulags skólamáltíða, viðhorf til skólabúninga, viðhorf til vetrarfría og viðhorf til heimanáms um helgar.
Meirihluti foreldra grunnskólabarna í Reykjanesbæ sagðist ánægður með fyrirkomulag mötuneyta grunnskóla þótt margt megi bæta og flestir voru jákvæðir í garð skólabúninga.
Alls sögðust 53% hafa mjög jákvætt eða frekar jákvætt viðhorf til núverandi fyrirkomulags skólamáltíða, hlutlausir voru 17% og 29% sögðust hafa frekar neikvætt og mjög neikvætt viðhorf. Alls sögðust 59% hafa mjög jákvæðtt eða frekar jákvætt viðhorf til skólabúninga, margir voru hlutlausir eða 23% og 18% sögðust frekar neikvæðir eða mjög neikvæðir.
Viðhorf til vetrarfría var frekar jákvætt eða 65%, hlutlausir voru 15% og neikvæðir 19%
Meirihluti foreldra hafði frekar eða mjög neikvætt viðhorf til heimanáms um helgar eða 52%, hlutlausir voru 17% og fylgjandi heimanámi um helgar voru 31.
Vinnuhópur um eflingu bekkjarfulltrúastarfs 2005
Í framhaldi af málþingi sem undirbúningshópur foreldra, kennara og skólastjórnenda stóð að í sept. 2005 undir yfirskriftinni “Með foreldrum til framfara” óskaði FFGÍR haustið 2006 við að setja á fót samstarfshóp skóla og heimila, með tilnefningu stjórnarmanna úr foreldrafélögum og skólum í þann hóp.
Eins og niðurstöður ofangreinds málþingsins segja:
- Rannsóknir sýna að áhugi og þátttaka foreldra er stærsti áhrifavaldurinn í námsárangri, lykill að framförum í námsárangri barna liggur í gegnum aukið samstarf, jákvæð samskipti, traust og virðingu heimila og skóla.
- Nauðsyn er á að efla tengslanet foreldra, sem og gagnkvæm og jákvæð samskipti heimila og skóla, í báðar áttir. Kennari gegnir lykilhlutverki, sem og viðhorf skólastjóra og foreldrar þurfa að eiga meira frumkvæði að samskiptum.
- Til að efla tenglsanet foreldra, og auka hlut foreldra í námi barna sinna gegnir bekkjarfulltrúi mikilvægu hlutverki sem tengiliður foreldra. Þar sem tenglsanet foreldra er þétt=meiri námsárangur, líka meðal þeirra sem fallan utan tenglsanetsins.
- Lagt er því til að vinna sé hafin á því að endurskilgreina og innleiða annað og endurbætt hlutverk bekkjarfulltrúa innan grunnskóla Reykjanesbæjar, sem fram að þessu hefur mikið einkennst af skemmtanaumsjón og gagnast lítið foreldrum né kennurum til að styðja við nám barnanna.
Markmið og fyrirkomulag:
Þessi starfshópur átti að vinnna að því að styrkja hlutverk og starf bekkjarfulltrúa í grunnskólum Reykjanesbæjar t.d. með breyttri verkefnalýsingu og þjálfun til bekkjarfulltrúa og kennara eða hverju því sem hópurinn myndi sjálfur ákveða að gera sem samræmist ofangreindu markmiði. Hópurinn ákvað að gera könnun meðal foreldra um viðhorf þeirra og reynslu til samstarfs heimila og skóla, og starfs bekkjarfulltrúa. Þessi könnun er ekki nothæf til að vinna úr tölfræðilega þar sem um niðurstöður úr þrem skólum var að ræða, og oft voru fleiri en einn kennari á bak við hvert svar, en niðurstöður sýndu þó ýmsar vísbendingar og gáfu hugmyndir um framhaldið. Í kjölfarið lauk hópurinn formlega störfum en FFGÍR mun fylgja þessu starfi eftir við eflingu bekkjarfulltrúastarfs. Sjá fundargerðir að neðan.
Vinnuhópur um nemendasamninga-"Markmið mín" 2005
Þessi samstarfshópur var stofnaður að undirlagi FFGÍR íeb. 2005, og lauk hann störfum veturinn 2006. Hann vildi kanna möguleika á að innleiða sk. nemendasamninga í grunnskóla Reykjanesbæjar. Hópurinn, sem samanstóð af foreldrum, kennurum og skólastjórnendum, féll frá því en útbjó þess í stað blöðungana "Markmið mín" og "Umsögn, sjálfsmat-skólamat" til að nýta einstaklingsviðtöl mun betur og nota þau betur sem vettvang til að auka samskipti heimilis og skóla, og fá nemendann til að setja sér markmið hvað varðar námið og hegðun og leiðir til að ná þeim markmiðum. Fékk hópurinn til verkefnisins styrk úr Manngildissjóði til að standa straum af launakostnaði.
Málþing september 2005
"Með foreldrum til framfara" leiðir til aukins árangurs í skólastarfi með samstarfi heimila og skóla
Málþing var haldið að frumkvæði FFGÍR í samstarfi við hóp kennara, skólatjórnenda og foreldra. Var það haldið í FSS og mættu um 100 manns. Styrktu ýmis fyrirtæki framtakið ásamt FFGÍR.
Umferðaröryggi í Reykjanesbæ 2004
Samstarfshópur um umferðaröryggismál í skólum var settur á stofn í feb.2004 að áeggjan FFGÍR. Hópurinn setti fram tillögur um aukið öryggi skólabarna við skóla og á leið í og úr skóla, þ.m.t. íþróttamannvirki.
Hér má sjá skýrsluna
Snarpur - Námsklúbbur nemenda í 10. bekk Holtaskóla í Reykjanesbæ 2004.
Hvernig er betur hægt að koma til móts við þarfir unglinga í skólastarfinu? Stórt er spurt. Eftir slaka niðurstöðu á haustannarprófum í nóvember 2003 hjá 10. bekk var ljóst að eitthvað þurfti að gera. Margir nemendur voru áhugalausir og allt að því óvirkir í skólastarfinu og hegðunarmynstri jafnvel ábótavant. Því miður er það oftast svo að þegar illa árar þá skella foreldrar skuldinni á skólana og skólarnir telja að slakar niðurstöður í prófum komi vegna áhugaleysis foreldra fyrir námi barna sinna. Eftir slíkar orðahrynur myndast oft togstreita eða tortryggni á milli heimila og skóla. En eins og við vitum þá deilum við öll ábyrgð hvað varðar menntun barna okkar.
Virkjun foreldra
Foreldrar fjögurra barna í 10. bekk í Holtaskóla tóku höndum saman með það að leiðarljósi að skapa jákvæðar umræður um námsefnið í skólanum, fá þau til þess að vera fyrirmynd yngri nemenda og skapa gott fordæmi. Lagt var upp með það að þau ræddu um námið sín á milli og væru sýnileg á göngunum þegar þau væru að læra saman. Fljótlega kom í ljós að aðrir nemendur höfðu áhuga á að vera með í þessu átaki og vildu líka vera betur í stakk búin fyrir samræmdu prófin að vori. Eftir rúma viku voru 25 krakkar búnir að skrá sig í klúbbinn af 37 nemendum. Þó svo að við hefðum ekki ætlað að fara af stað með svo víðtækt verkefni þá var ekki aftur snúið. Þar sem nemendur sýndu viljann í verki var komið að okkur foreldrunum að svara því kalli og styðja við bakið á þeim.
100 % mæting
Haft var samband við foreldra þessara barna og þeir boðaðir á fund. Foreldrar lýstu ánægju sinni yfir samstarfinu enda var 100 % mæting. Ljóst var að foreldrar þurftu að koma að þessu með ýmsum hætti. Nú þegar áhuginn var kominn þurfti fyrst að skapa aðstöðu fyrir þau og fengum við sal hjá Knattspyrnufélagi Keflavíkur, endurgjaldslaust til þess að hittast tvisvar í viku eftir skóla. Við foreldrarnir vorum aðallega að hjálpa börnunum við efnisöflun og skipulagningu, annars unnu þau þetta að mestu sjálf – á sínum forsendum og á sinn máta. Á þriðjudögum fengu nemendurnir ljósrit af ýmsum verkefnum sem foreldrar fundu til og ljósrituðu. Vinna var skipulögð viku fram í tímann fram að næsta þriðjudegi þar sem þau unnu saman í litlum hópum og hittust heima hjá hvort öðru.
Á fimmtudögum var farið í hópefli svo sem grímugerð, snertileiki og ýmislegt fleira. Verkaskipting var á meðal foreldra að mæta á fimmtudögum með meðlæti fyrir krakkana. Foreldrar voru einnig virkir þátttakendur í vinnu barnanna með beinum og óbeinum hætti. Þannig nýttist reynsla og þekking foreldra í námshópunum. Með þessum hætti tengdust saman atvinnulíf, fjölskyldulíf og nám barnanna.
Markmið
Með tilveru námshópanna skapaðist mikilvægur vettvangur fyrir samveru foreldra og unglingana.
Lykilatriðið var að glæða áhuga þeirra, sína þeim svo stuðning við það sem þau ákváðu að gera og veita þeim verðskuldaða athygli. Stuðningur við börnin, samvinna foreldra og skóla er grundvallaratriði til að námsklúbburinn nái takmarki sínu.
Markmið námsklúbbsins:
q Að hefja undirbúning í tíma fyrir samræmd próf
q Samvinna / hópvinna- sjálfsþekking
q Skipulögð vinnubrögð
q Miðlun þekkingar
q Miðlun upplýsinga og verkefna
q Verkaskipting
q Mín veika og sterka hlið í námsefninu / hvar þarf ég að bæta mig?
q Að skapa jákvæðar umræður um námsefnið, kennara og skólann
q Að vera fyrirmynd yngri nemenda og skapa gott fordæmi
q Slá á prófkvíða
Framkvæmd
Nemendur unnu verkefnin í hópum undir stjórn hópstjóra sem var einn úr nemendahópnum. Hópstjóri þarf að vera sterkur bæði félagslega og námslega. Krakkarnir miðluðu sín á milli innan hvers hóps og á milli hópa og aðstoðuðu hvert annað eftir þörfum. Ef eitthvað var óljóst varðandi verkefnin eftir að hóparnir höfðu haft samráð voru fengnir gesta kennarar okkur til aðstoðar.
Byrjað var á því að leysa samræmd próf frá fyrri árum í stærðfræði og hverjum hópi var ætlað að vinna sameiginlega að lausn prófana til þess að þau áttuðu sig betur á umfangi þess námsefnis sem þau áttu að kunna skil á fyrir prófin að vori. Sama vinnuaðferð var notuð í öllum fögunum. Sjálfskoðun / sjálfsmat er eitt að því sem er nauðsynlegt að aðstoða þau með “ hvað kann ég – hvað þar ég að bæta “.
Haldin var spurningakeppni í samfélagsfræði og líffræði í anda spurningakeppni framhaldsskólanna “Gettu betur” í páska leyfinu þar sem allir tóku þátt og foreldrar mættu sem stuðningsaðilar. Fenginn var óháður aðili til þess að semja spurningar úr námsefninu. Sami aðili var einnig spyrill og dómari og veitt voru verðlaun í lokin. Í tengslum við þessa keppni sem haldin var í skólanum var sameiginlegur kvöldverður foreldra og nemenda.
Þetta var góð aðferð til að glæða áhuga þeirra á þessum fögum þar sem þau þurftu að vinna saman í hópum við undirbúning fyrir keppnina.
Nemendurnir lögðu sig mikið fram og höfðu metnað og áhuga á að standa sig vel enda býr í þeim ómetanlegur efniviður og óbeisluð orka.
Breytt viðhorf í kjölfarið
Með tilkomu námshópanna skapaðist vettvangur sem breytti smám saman viðhorfi nemendanna til námsins og þeir urðu miklu jákvæðari í garð námsefnisins og skólans.
Sumir leituðu til kennara á annan hátt en áður og höfðu námshópana sem ástæðu til að ræða frekar um námsefnið við þá. Áhugi á námsefninu glæddist mjög við það að þau ræddu um námsefnið sín á milli sem gerði það að verkum að þau voru reiðubúnari að leggja sig fram við heimanámið.
Svo sannarleg hafði áhuginn nemendanna á náminu verið glæddur og nú þurftum við að koma til móts við misjafnar þarfir þeirra. Það sem kom á óvart var hversu auðvelt reyndist að virkja bæði foreldra og nemendur og breyta viðhorfi til náms.
Að fá tækifæri til að kanna stöðu sína í hinum ýmsu námsgreinum með skólafélög-unum fannst flestum nemendunum gott en því verður ekki neitað að mörgum kom á óvart hversu illa stödd þau voru.
Það reyndist okkur vel að vera utan skólans með námshópanna en við teljum heppilegra að námsklúbbarnir starfi innan veggja skólans t.d. sem klúbbur undir félagsstarfi í skóla.
Hvað hefði betur mátt fara
“Samvinna heimila og skóla”
Árangur
Við teljum ekki nokkurn vafa á því að námshópar þar sem nemendur / foreldrar vinna saman að undirbúningi fyrir samræmd próf skilar árangri og gerði það svo sannarlega vorið 2004 hjá þeim nemendum úr 10.bekk í Holtaskóla sem voru í námshópunum.
skýrsla á word formi